KRIŽI
do kamena kamen,
do čovika čovik
oštrican o’ trudi
tiha suza biži
iz ‘rvatske duše rodu, zemji svojoj
žujima i macon narasli su križi
pogledaj ih bože, veli su i lipi
za svakoga jedan i svi su nan isti
ka moru ferali, anđelima dota
da se mrvu tuge u povist primisti
ogrijat će sunce ča bura oladi
ne čuju se više usnuli mašklini
svaka kapja znoja priko suve fuge
ka timbar je navik ostala na stini…
❤❤❤❤❤❤❤❤❤❤❤❤
Ante Juričev – MikulinDino KlarićIvica CrvelinIvan MarinovićMarko StančićGabrijel SkočićTomislav CrvelinAnte CrvelinJosip LučićKarlo ŠeverdijaMarinko KneževićHrvoje StrikomanHeroji se nikad ne zaboravljaju. Počivali u miru!
